Suvadin, Home

सुनकोसीमा जिप खस्दा छ जनाको मृत्यु, एक बेपत्ता

 

सिन्धुली, पुस ३ 

सिन्धुलीको रत्नावती गाविस–३ घाटपाखाबाट सुनकोसी नदीमा स्कार्पियो जिप खस्दा छ जनाको मृत्यु भएको छ । 

मृतकको भने सनाखत हुन बाँकी रहेको छ । दुर्घटनामा एकजना भने सुनकोसीमा परी बेपत्ता भएको र दुईजना गम्भीर घाइतेको उपचारका लागि उदयपुरको घुर्मी पठाइएको जिल्ला प्रहरी कार्यालय सिन्धुलीले जनाएको छ । दुर्घटनामा परी घाइते भएका सिन्धुपाल्चोक जिल्ला फुलपिङकट्टी–५ निवासी ५० वर्षीया बालामु शेर्पा तथा काठमाडाँै महानगरपालिका स्वयम्भू निवासी टुकुली शेर्पाको उद्धार गरी उपचारका लागि घुर्मीको जनसेवा अस्पतालमा पठाइएको प्रहरी चौकी खाङ्साङका प्रहरी नायब निरीक्षक टेकबहादुर लामाले जानकारी दिए  । 

यस्तै, दुर्घटनामा सिन्धुपाल्चोक फुलपिङकट्टी–६ बस्ने ५० वर्षीय साङ्दो शेर्पा, फुलपिङकट्टी– ७ निवासी ५७ वर्षीय वाले शेर्पा, सोही ठाउँका ५० वर्षीय निवुटी शेर्पा, फुलपिङकट्टी–६ निवासी सर्किनी शेर्पा र स्कार्पियो चालक लमजुङको सामीभञ्ज्याङ निवासी ४५ वर्षीय झपटबहादुर गुरुङको मृत्यु भएको प्रहरीले बताएको छ । यस्तै, जिप सुनकोसीमा खस्दा काठमाडाँै महानगरपालिका स्वयम्भू निवासी अन्दाजी ४५ वर्षीय दानेर्वे शेर्पा बेपत्ता  छन् । प्रहरीका अनुसार स्कार्पियोमा चालकसहित नौजना सवार रहेका थिए । 

सिन्धुपाल्चोकका स्थानीयले दुईवटा स्कार्पियो जिप लिएर खोटाङको हलेसीमा दर्शन गर्न जानेक्रममा मध्यपहाडी लोकमार्गको रत्नावती गाविसमा बा १२ च ८८९७ नंको स्कार्पियो दुर्घटनामा परेको हो । जिप सडकबाट १०० मिटर तल सुनकोसीमा खसेको प्रहरीले बताएको छ ।                                                                                                                                                              रासस


 

More form the Internet

loading...