आयोगविरुद्ध राप्रपा, परिआए सरकारबाट बाहिरिने
इटहरी, चैत ६– राष्ट्रिय प्रजातन्त्र पार्टीले निर्वाचन आयोगले आफ्नो पार्टीको घोषित नीति ‘संवैधानिक राजतन्त्र र हिन्दू राज्य’ बिधानबाटै हटाएको बिरोधमा आयतवार यहाँ विरोध प्रदर्शन गरेको छ।
पार्टीको जुलुसले इटहरी बजारको परिक्रमा ग¥यो । राप्रपा सुनसरी सभापति रोहित कार्कीको नेतृत्वमा निस्किएको जुलुृसमा राप्रपाका नेता दिलनाथ गिरीले पार्टीको मुख्य प्रस्तावमा नै उल्लेख भएको संवैधानिक राजतन्त्र र हिन्दू राज्यको धारणा हटाइदिएकाले परिआएको बेला सरकारबाट पनि हट्न सक्ने जिकिर गरे।
राप्रपा निर्वाचनको पक्षमा रहेको र चाँडो र तोकिएकै समयमा निर्वाचन गराउनका लागि प्रतिबद्ध हुँदाहुँदै पनि आयोगले गलत नियत राखेर सो काम गरेको आरोप संस्कृति, पर्यटन तथा नागरिक उड्यनमन्त्री समेत रहेका गिरीले लगाए। रासस