Suvadin, Home

आयुर्वेदको प्रवर्द्धन गरिनुपर्नेमा जोड

बाह्रौँ रामवाण आयुर्वेद र समग्र आरोग्य विषयमा आयोजित अन्तर्राष्ट्रिय सम्मेलन २०१८ समापनका अवसरमा सहभागी वक्ताले आयुर्वेदिक औषधिले अन्य रोग ननिम्तने भएकाले मानव स्वास्थ्य राम्रो बनाउन आयुर्वेदिक उपचार पद्धतिलाई प्रवद्धन गरिनुपर्ने बताए। 

काठमाडाैं, चैत २८ – जुनसुकै देशका मानिसलाई त्यस देशमा उम्रिएका जडिबुटीले औषधिको काम गर्ने भएकाले आयुर्वेदको प्रवर्द्धन गरिनुपर्नेमा जोड दिइएको छ। 

बाह्रौँ रामवाण आयुर्वेद र समग्र आरोग्य विषयमा आयोजित अन्तर्राष्ट्रिय सम्मेलन २०१८ समापनका अवसरमा सहभागी वक्ताले आयुर्वेदिक औषधिले अन्य रोग ननिम्तने भएकाले मानव स्वास्थ्य राम्रो बनाउन आयुर्वेदिक उपचार पद्धतिलाई प्रवद्धन गरिनुपर्ने बताए। 

कार्यक्रम महर्षि वैदिक फाउण्डेशन, महर्षि स्वास्थ्य केन्द्र जर्मनी र वनौषधि विद्यापीठ भारतले संयुक्त रुपमा आयोजना गरेका हुन्। समापन कार्यक्रममा फाउण्डेशनका अध्यक्ष तथा पूर्वगृहराज्यमन्त्री दीपकप्रकाश बाँस्कोटाले नेपालमा आयुर्वेदिक औषधोपचारलाई प्रवद्धन गर्नका सबै आयुर्वेद क्याम्पसलाई सहयोग गर्न लागिएको जानकारी दिए।

उनले भने, 'भावातीत ध्यान एवम् शुद्धी कार्यक्रमका संस्थापक महेश योगीले भनेजस्तै योग, भावातीत ध्यान, सिद्धि एवम् औषधोपचार गर्ने व्यक्ति आधुनिक उपचार गर्ने व्यक्तिभन्दा दीर्घजीवी हुने गरेको तथ्य वैज्ञानिक अनुसन्धानले प्रमाणित गरेको छ।' 

महर्षि आयुर्वेद स्वास्थ्य केन्द्र जर्मनीका प्रमुख कार्यकारी अधिकृत लोफर पिर्कले हिमालयको देश नेपालका जडिबुटीबाट निर्माण भएको औषधि बढी गुणस्तरीय हुने बताए।

विश्व शान्तिराष्ट्र नेपालका अन्तर्राष्ट्रिय निर्देशक डा.किङ्ग्सले ब्रुक्सले नेपाललाई वैदिन ज्ञानको केन्द्र बनाउने महर्षि योगीको सोच पूरा गर्न अभियानमा धेरै अमेरिकी र युरोफेस्ले सहयोग गरेको बताए। दुईदिने कार्यक्रममा आयुर्वेदसम्बन्धी २० कार्यपत्र प्रस्तुत गरिएको थियो। कार्यक्रममा ७ देशका ५८ आयुर्वेद अध्येताले भाग लिएका थिए। 


 

More form the Internet

loading...