कतारको नयाँ कानुन : घरेलु श्रमिकले तीन दिन अघि जानकारी दिएर काम छाड्न सक्ने
काठमाडौं । कतारले आफ्नो श्रम कानुन सुधार गर्दै घरेलु श्रमिकका लागि काम छोड्नसक्ने खुकुलो व्यवस्था ल्याएको छ । कतारले घरेलु श्रमिकले तीन दिन अघि जानकारी दिएर काम छाड्न पाउने नयाँ व्यवस्था ल्याएको हो ।
कतारले आफ्नो श्रम कानुन सुधार गर्दै घरेलु श्रमिकका लागि यो नियम ल्याएको जनाएको छ । यसअघि काम छाड्न रोजगारदाताको अनुमति (एक्जिट परमिट) अनिवार्य थियो ।
कतारले गरेको नयाँ निर्णअनुसार ग्यास, तेल कम्पनीमा कार्यरत, म्यारिटाइम, कृषि, सरकारी तथा सार्वजनिक संस्थान र आवधिक प्रकृतिका कम्पनीमा काम गर्ने श्रमिकले आफ्नो करार अवधिमै काम छाड्न सक्नेछन् । तर, यो नियम कतार प्रहरीमा भने लागू हुने छैन ।
नयाँ कानुनले नयाँ श्रम बजार खुलाउनको लागि प्रोत्साहन गरेको सरकारी सूचना अधिकारीले बताएका छन् ।