Suvadin, Home

अब पालो आर्थिक समृद्धिकोः यसरी निर्माण हुँदैछ औद्योगिक ग्राम

गरपालिकाले प्रस्ताव गरेको जग्गाको उद्योग, वाणिज्य तथा आपूर्ति मन्त्रालयबाट आएको टोलीले निरीक्षण गरेको छ। मन्त्रालयको टोलीमा सहभागी विज्ञ लक्ष्मण भट्टराईले नगरपालिकाले अघि सारेको जग्गा औद्योगिक ग्रामका लागि उपर्युक्त रहेको जानकारी दिए। ‘औद्योगिक ग्रामको अवधारणा साना उद्योगका लागि हो, तिलोत्तमाले देखाएको जग्गामा औद्योगिक ग्राम स्थानपना गर्न सकिन्छ’ – उनले भने। चालू आवमा मुलुकका १४० स्थानीय तहमा औद्योगिक ग्राम स्थापना गर्ने संघीय सरकारको लक्ष्य छ। 
तिलोत्तमा नगरपालिका कार्यालय।

बुटवल, १३ भदौ – रुपन्देहीको तिलोत्तमा नगरपालिकाले औद्योगिक ग्राम स्थापनाका लागि तयारी शुरु गरेको छ। नगरमा साना तथा घरेलु उद्योग स्थापनानका लागि उचित वातावरण व्यवस्थापन गर्न वडा नम्बर–१० मा ‘तिलोत्तमा औद्योगिकग्राम’ स्थापनाको तयारी थालिएको नगर प्रमुख बासुदेव घिमिरेले जानकारी दिएका हुन्। 

वडा नं १० को रोहिणी नदी पुलसँगै जोडिएको उत्तरतर्फको क्षेत्रमा औद्योगिक ग्राम स्थापना गर्न आवश्यक प्रक्रिया अगाडि बढाइएको नगरपालिकाले जनाएको हो। नगरपालिकाले प्रस्ताव गरेको जग्गाको उद्योग, वाणिज्य तथा आपूर्ति मन्त्रालयबाट आएको टोलीले निरीक्षण गरेको छ। मन्त्रालयको टोलीमा सहभागी विज्ञ लक्ष्मण भट्टराईले नगरपालिकाले अघि सारेको जग्गा औद्योगिक ग्रामका लागि उपर्युक्त रहेको जानकारी दिए। 

‘औद्योगिक ग्रामको अवधारणा साना उद्योगका लागि हो, तिलोत्तमाले देखाएको जग्गामा औद्योगिक ग्राम स्थानपना गर्न सकिन्छ’ – उनले भने। चालू आवमा मुलुकका १४० स्थानीय तहमा औद्योगिक ग्राम स्थापना गर्ने संघीय सरकारको लक्ष्य छ। 

संघीय सरकारको लक्ष्यलाई साथ दिँदै तिलोत्तमा नगरापालिकाले चालू आवको बजेटमा औद्योगिक ग्राम स्थापनाको काम अघि बढाउन रकम विनियोजन गरेको छ। औद्योगिक ग्राम स्थापन गर्न यो क्षेत्र उपयोगी रहेको वडाध्यक्ष व्यासमुन चौधरी बताउँछन्। वडाध्यक्ष चौधरीका अनुसार रोहिणी नदी व्यवस्थित गर्दा करीब ३० विगाह जग्गा व्यवस्थापन गर्न सकिन्छ। यो स्थान नजिकै बहुउपयोगी रोहिणी जलाशाय निर्माणको काम भइरहेको छ। यो स्थान मङ्गलापुर–कान्छीबजार–रोहिणी सडकमा पर्दछ। 

मंगलापुरबाट सो स्थानको दूरी झण्डै सात किलोमिटर छ। नगरपालिकाले विश्व बैंकको सहयोगमा मङ्गलापुर–कान्छीबजार–रोहिणी सडक विस्तार तथा सुधार योजना अघि बढाएको छ। ‘औद्योगिक ग्राम स्थापना गर्न हामीहरुले आवश्यक प्रक्रिया अघि बढाएका छौं। यसमा संघीय सरकारको पनि सहयोग हुनेमा हामीहरु विश्वस्त छौं।’ 

नगरपालिकाका प्रमुख प्रशासकीय अधिकृत कृष्णप्रसाद सापकोटाले औद्योगिक ग्राम निर्माण भए साना तथा घरेलु उद्योग स्थापना गर्न चाहने जग्गाको कारण खुम्चिनु नपर्ने बताएका छन्।

नगरपालिकाले औद्योगिक ग्राम, नगर तालीम केन्द्र, शीपमूलक तालीम सञ्चालनसमेतका कार्यक्रम कार्यान्वयन गर्न चालू आवमा उद्योग क्षेत्र शीर्षकमा एक करोड २१ लाख रुपैयाँ रकम विनियोजन गरेको छ। यसका अतिरिक्त असल औद्योगिक वातावरणका लागि आर्थिक ऐनमार्फत कर छुटको व्यवस्था नगरपालिकाले गरेको छ। 

न्यूनतम १० जना नगरवासीलाई रोजगारी दिने उत्पादनमूलक उद्योग चालू वर्षमा शुरु भएमा आगामी तीन वर्षसम्म लाग्ने व्यावसायिक करमा २० प्रतिशत छुट दिने, कम्तीमा ५० नेपाली नागरिकलाई रोजगारी दिने, उत्पादनमूलक चालू उद्योगको नाममा रहेको जमीनमा लाग्ने सम्पत्ति करमा १५ प्रतिशत छुट, अपांगता भएका व्यक्तिले सञ्चालन गरेको उद्योग–व्यवसायमा तोकिएको करमा ५० प्रतिशत छुट दिने नीति नगरपालिकाले लिएको छ। 


 

More form the Internet

loading...