Suvadin, Home

Cover Image

सम्पूर्ण तयारी पुरा
'मिस एण्ड मिस्टर हस्पिटालिटी'को काठमाडौं अडिसन शनिवार हुँदै

पर्यटन,होटल तथा एयरलाईन्समा आवद्ध जनशक्तिलाई अझै सक्षम बनाई समग्र पर्यटन क्षेत्रमा टेवा पुर्याउने उद्येश्यले प्रतियोगिता आयोजना गरिएको हो । 

काठमाडौं, असार १९ - नेपालमै फरक उद्येश्यसहित आयोजना भईरहेको 'मिस एण्ड मिस्टर हस्पिटालिटी प्रतियोगिता'को काठमाडौ अडिसन आउँदो शनिवार हुँदैछ । अडिसन हात्तिसारस्थित गसिप क्याफेमा हुनेछ । 

अडिसनका लागि सम्पूर्ण तयारी पुरा भईसकेको आयोजक समितिकी संयोजक तथा पूर्व मिस नेपाल सुगरिका केसीले शुभदिनलाई बताईन् । काठमाडौको अडिसनमा २५० जना युवा-युवती सहभागि हुने र तीमध्ये ५० जना फाईनल अडिसनमा जाने केसीको भनाई छ । यस अडिसनलगत्तै पोखराको अडिसन शुरु हुने उनले जानकारी दिईन् ।

यसअघि असार १५ गते ईटहरीको अडिसन सम्पन्न भईसकेको छ । जसमा धरान, ईटहरी र विराटनगरका प्रतियोगीले सहभागिता जनाएका थिए । पर्यटन,होटल तथा एयरलाईन्समा आवद्ध जनशक्तिलाई अझै सक्षम बनाई समग्र पर्यटन क्षेत्रमा टेवा पुर्याउने उद्येश्यले प्रतियोगिता आयोजना गरिएको हो । 

प्रतियोगितामा होटल म्यानेजमेन्ट, ट्राभल एण्ड टुरिजम् तथा एभिएशन संकायमा अध्ययनरत विद्यार्थी र यसै क्षेत्रसँग आवद्ध १६ देखि २० वर्ष उमेर समूहका व्यवसायी समेतले सहभागिता जनाउन पाउनेछन् । प्रतियोगिताको फाईनल अडिसन काठमाडौमा साउन १ गतेबाट शुरु हुने जनाईएको छ । 


 

More form the Internet

loading...