बाक्लो कुहिरोका कारण विमानस्थल ठप्प, यात्रु अलपत्र
काठमाडौं,२९ माघ- काठमाडौं उपत्यकामा बाक्लो हुस्सु लागेका कारण मंगलबार बिहान त्रिभुवन अन्तर्राष्ट्रिय विमानस्थलमा हवाई उडान तथा अवतरण प्रभावित भएको छ।
एक मात्र अन्तराष्ट्रिय विमानस्थलको आन्तरिक तथा बाह्य उडान र अवतरण विहानैदेखि प्रभावित भएपछि यात्रुहरु विमानस्थलमा अलपत्र परेका छन्। भिजीबिलिटी कम भएको कारण विहानका सबै उडान र अवतरण समेत प्रभावित बनेको विमानस्थलका महाप्रबन्धक राजकुमार क्षेत्रीले जानकारी दिए।
आन्तरिक उडानका लागि कम्तीमा १६ सय र अन्तर्राष्ट्रिय उडानका लागि कम्तीमा ३ हजार मिटर भिजिबिलिटी आवश्यक पर्दछ। काठमाडौं उपत्यकाको भिजिबिलीटी बिहान ५० मिटर मात्रै रहेकोमा अहिले बढेर एक किलोटिरसम्म पुगेको जल तथा मौसम विज्ञान विभागको मौसम पुर्वानुमान महाशाखाले जनाएको छ।