खाडी मुलुकमा घट्दै नेपाली कामदार
काठमाडौ, असार २६ - खाडी देशहरू अफ्रिकी कामदारतर्फ आकर्षित हुन थालेपछि त्यसले नेपाली वैदेशिक रोजगारी क्षेत्रलाई प्रभावित पार्न सक्ने अधिकारीहरूले बताएका छन्। नेपाल सहित दक्षिण एशियाली कामदारका लागि खाडी राष्ट्रहरू मुख्य श्रम गन्तव्यका रूपमा रहँदै आएका छन्।
हाल वैदेशिक रोजगारीमा रहेका ४५ लाख नेपाली कामदारको ६० प्रतिशत खाडी राष्ट्रहरूमा काम गरिरहेको ठानिन्छ। सरकारी अधिकारी भने नेपाली कामदार कम भएको कुरा आएपनि वर्षको अन्त्यमा तथ्याङ्क आएपछि समीक्षा गर्ने बताउँछन्।