Suvadin, Home

Cover Image

तामाकोसीमा राजस्व घोटाला छानबिन गर्न समिति

गाउँ कार्यपालिकाको बुधबारको बैठकले उपाध्यक्ष उर्मिला खड्का केसीको संयोजकत्वमा अधिकार सम्पन्न छानबिन समिति गठन गरेको हो। छानबिन समितिमा जिल्ला प्रशासन कार्यालय, जिल्ला समन्वय समिति र जिल्ला प्रहरी कार्यालयको अधिकृतस्तरको कर्मचारीलाई सदस्य राख्ने निर्णय गरिएको छ। समितिमा गाउँपालिकाका इन्जिनियर सुबोध चापागाईलाई सदस्य सचिव तोकिएको उपाध्यक्ष केसीले बताइन्। समितिलाई १५ दिन प्रतिवेदन पेस गर्न भनिएको छ।

दोलखा, साउन ३० - नदीजन्य पदार्थको निकासीबापत् उठाइने राजस्वमा करिब २१ लाख रुपैयाँ अपचलन भएको बारेमा अनुसन्धान गर्न दोलखाको तामाकोसी गाउँपालिकाले छानबिन समिति गठन गरेको छ।

गाउँपालिकाको तामाकोसी नदी क्षेत्रबाट ढुंगा, गिट्टी, बालुवासहित नदीजन्य वस्तुको निकासीबापत् गाउँपालिकाले उठाउनुपर्ने २९ लाख ८२ हजार राजस्वमध्ये आठ लाख ११ हजार रुपैयाँ मात्र गाउँपालिकामा दाखिला गरी करिब २१ लाख रुपैयाँ अपचलन गरेको विषयमा नागरिकन्युजले समाचार प्रकाशन गरेको थियो।

गाउँ कार्यपालिकाको बुधबारको बैठकले उपाध्यक्ष उर्मिला खड्का केसीको संयोजकत्वमा अधिकार सम्पन्न छानबिन समिति गठन गरेको हो। छानबिन समितिमा जिल्ला प्रशासन कार्यालय, जिल्ला समन्वय समिति र जिल्ला प्रहरी कार्यालयको अधिकृतस्तरको कर्मचारीलाई सदस्य राख्ने निर्णय गरिएको छ। समितिमा गाउँपालिकाका इन्जिनियर सुबोध चापागाईलाई सदस्य सचिव तोकिएको उपाध्यक्ष केसीले बताइन्। समितिलाई १५ दिन प्रतिवेदन पेस गर्न भनिएको छ।

समितिले आवश्यकताअनुसार राजस्व अपचलन भएको भनिएको समयका तत्कालीन प्रमुख प्रशासकीय अधिकृत दीपेश कट्टेल, कर्मचारीहरू, क्रसरका सञ्चालकसहित सबै सरोकारवाला पक्षलाई झिकाएर बयान लिने र अनुसन्धान गर्न सक्नेछ। निर्णयलगत्तै छानबिन समितिमा सदस्य पठाउनका लागि जिल्ला प्रशासन, जिल्ला समन्वय समिति र जिल्ला प्रहरीलाई बिहीबार पत्र लेखिएको गाउँपालिकाका प्रमुख प्रशासकीय अधिकृत विज्ञान कोइरालाले जानकारी दिए।


 

More form the Internet

loading...