Suvadin, Home

Cover Image

विश्वभर कोरोनाबाट २ लाख ३ हजार बढीको मृत्यु

कोरोनाभाइरसबाट विश्वभर दुई लाखभन्दा बढी मानिसको मृत्यु भएको छ । पछिल्लो तथ्याङ्‍क अनुसार कोरोनाबाट विश्वभर २९ लाख २३ हजार संक्रमित भएका छन् ।  

एजेन्सी । कोरोनाभाइरसबाट विश्वभर दुई लाखभन्दा बढी मानिसको मृत्यु भएको छ । पछिल्लो तथ्याङ्‍क अनुसार कोरोनाबाट विश्वभर २९ लाख २३ हजार संक्रमित भएका छन् ।  

जोन्स हप्किन्स विश्वविद्यालयका अनुसार कोरोनाबाट सबैभन्दा ग्रसित बनेको अमेरिकामा नेपाली समयअनुसार आइतबार मध्यान्हसम्म २४ घण्टाको अवधिमा २ हजारभन्दा बढीको मृत्यु भएको छ । यो सहित अमेरिकामा अहिलेसम्म ५४ हजार २६५ जनाले ज्यान गुमाइसकेका छन् ।

यस्तै युरोपेली मुलुकहरुमा मृतकको संख्या १ लाख २० हजार १३८ जना पुगेको छ । युरोपेली मुलुकहरमध्ये इटालीमा २६ हजार ३६४ जना, स्पेनमा २२ हजार ९०२ जना, फ्रान्समा २२ हजार ६१४, बेलायतमा २० हजार ३१९ जना, बेल्जियममा ६ हजार ९१७ जना, जर्मनीमा ५ हजार ८७७ जना, नेदरल्यान्ड्समा ४ हजार ४०९ जना, स्वीडेनमा २ हजार १९२ जना, स्वीट्जरल्यान्डमा १ हजार ५९९ जना, आयरल्यान्डमा १ हजार ६३, पोर्चुगलमा ८८० जना तथा रसियामा ६८१ जनाको मृत्यु भएको छ ।

यसैगरी, इरानमा ५ हजार ६५० जना, चीनमा ४ हजार ६३२ जना, ब्राजिलमा ४ हजार ५७ जना, टर्कीमा २ हजार ७०६ जना, क्यानाडामा २ हजार ४६५ जना, मेक्सिकोमा १ हजार ३०५ जना, भारतमा ८२५, इन्डोनेसियामा ७२० जना, इक्वेडरमा ५७६ जनाको मृत्यु भएको छ ।


 

More form the Internet

loading...