चुनावी हिंसा रोक्न दैलेख सदरमुकाममा निषेधाज्ञा
काठमाडौं, जेठ २–स्थानीय प्रशासनले दैलेख सदरमुकाम क्षेत्रमा निषेधाज्ञा जारी गरेको छ।
मंगलबार बेलुका ७ देखि बुधबार बिहान ५ बजेसम्मका लागि नारायणनगरपालिकामा निषेधाज्ञा जारी गरेको हो।
सोमवार कांग्रेस र एमाले कार्यकर्ताका बीचमा झडप भएपछि यहाको अवस्था तनावग्रस्त छ। थप चुनावी हिंसा हुनसक्ने आँकलनसहित प्रशासनले निषेधाज्ञा जारी गरेर शान्तिसुरक्षाको अवस्था मजबुत पारेको जनाएको छ।