Suvadin, Home

अरनिको राजमार्ग अन्तरगतको मध्यपुरठिमि बन्द

शनिबार दिउँसो सोही स्थानमा भक्तपुरबाट काठमाडौंतर्फ जाँदै गरेको बा३ख २७२२ नम्बरको बसले निकोसेराबाट आउँदै गरेको बा४०प २०९४ नम्बरको मोटरसाइकललाई ठक्कर दिँदा मोटरसाइकल चालक मध्यपुरथिमि–९ निकोसेरा ठिमि बस्ने २४ वर्षीय दीपक ख्याजुको मृत्यु भएको थियो। 

भक्तपुर, २० जेठ – बसको ठक्करबाट ज्यान गएका पीडित परिवार र आफन्तले अाइतबार मध्यपुरठिमि–४ राधे राधेस्थित अरनिको राजमार्गखण्ड बन्द गराएका छन्। 

शनिबार दिउँसो सोही स्थानमा भक्तपुरबाट काठमाडौंतर्फ जाँदै गरेको बा३ख २७२२ नम्बरको बसले निकोसेराबाट आउँदै गरेको बा४०प २०९४ नम्बरको मोटरसाइकललाई ठक्कर दिँदा मोटरसाइकल चालक मध्यपुरठिमि–९ निकोसेरा थिमि बस्ने २४ वर्षीय दीपक ख्याजुको मृत्यु भएको थियो। 

चालकलाई ज्यान मुद्दा लगाएर कारवाही गर्नुपर्ने र पीडित परिवारलाई क्षतिपूर्ति दिनुपर्ने माग गर्दै स्थानीय बासिन्दाले सडक अवरुद्ध पारेका हुन्। पीडित परिवार, आफन्त र स्थानीय बासिन्दाले महानगरीय प्रहरी वृत्त घेराउ गरी कारवाहीको माग गरेका छन्। 

बसका चालक सिन्धुपाल्चोक घर भई हाल भक्तपुर च्यामासिंह बस्ने २८ वर्षीय दीपबहादुर प्रधानलाई नियन्त्रणमा लिई थप अनुसन्धान गरी कारवाही प्रक्रिया अगाडि बढाएको प्रहरी वृत्त थिमिका प्रमुख एवम् प्रहरी नायब उपरीक्षक प्रज्वल महर्जनले जानकारी दिए।


 

More form the Internet

loading...