यस्तो छ आजको मौसम
काठमाडौं । मनसुनी गतिविधिको सक्रियता कम रहेकाले देशभरको मौसम पूर्ण बदली नहुने जल तथा मौसम पूर्वानुमान महाशाखाले जनाएको छ ।
आइतबार देशभरको मौसम आंशिकदेखि सामान्य बदली हुने र केही स्थानमा हल्कादेखि मध्यम खालको वर्षाको सम्भावना रहेको मौसमविदले बताएका छन् ।
राति पनि देशभरको मौसम आंशिकदेखि सामान्य बदली भइ केही स्थानमा हल्कादेखि मध्यम खालको वर्षा हुने सम्भावना रहेको जनाइएको छ ।
हाल देशका अधिकांश स्थानमा सामान्यतया बदली भएको छ । थोरै स्थानमा वर्षा भइरहेको मौसमविदले बताएका छन् ।
मनसुनी न्यून चापीय रेखा नेपालको तराई भू–भाग भन्दा दक्षिणतिर सरेकाले मनसुनी गतिविधि कम सक्रिय अवस्था रहेको मौसमविदले बताएका छन् ।