गुठी विधेयक खारेजीको माग गर्दै न्यूयोर्क र क्यानाडामा प्रदर्शन
काठमाडौं,असार ८ - गुठी विधेयकको खारेजीको माग गर्दै विदेशमा रहेको नेपालीहरु पनि सडकमा विरोध प्रदर्शन गर्न थालेको छन् । अमेरिकाको न्यूयोर्क स्थित डाईभरसिटी प्लाजामा उनीहरुले गृहमन्त्री, संचार र भूमि सुधार मन्त्रीले माफी मागी राजीनामा दिनुपर्ने माग गरेको छन् ।
नेवाः गुठी न्यूयोर्क र नेपाल आदिवासी जनजाति महासंघ अमेरिकाले आयोजना गरेको विरोध सभामा सरकारले विधेयक फिर्ता नगरेको अन्तराष्ट्रिय रुपमा नै आन्दोलन चर्काउने चेतावनी समेत दिए ।
वल्र्ड नेवाः अर्गनाईजेसनमका अध्यक्ष सिजन श्रेष्ठले विश्वभरी रहेको नेपालीले विधेयक खारेज गर्न सरकारलाई दबाब दिन आन्दोलन गर्ने बताउन्दै मौलिक गुठी परम्परालाई विश्व सम्पदा सुचीमा राख्ने यूनेस्कोको मुख्यालय, न्यूयोर्कमा छलफल र पहल गर्ने बताए । नेवाः गुठीका उपाध्यक्ष विजयमान सिंहले अब विश्व भरका नेपाली असंवैधानिक गुठी विधेयक खारेज गर्ने एक भई संर्घष गर्ने बताए ।
यसैबीच क्यानाडामा रहेको नेपालीहरुले पनि गुठी विधेयकको खारेजीको माग गर्दे विरोध प्रदर्शन गरेको छन् । क्यानेडियन नेवाः गुठीले गुठी विधेयकको विरोध गर्दै सरकारलाई चाँडै विधेयक खारेज गर्न र नभए त्यसको परिणाम नराम्रो हुने चेतावनी दिएको छ ।
Experts Commentary