Suvadin, Home

Cover Image

नेकपा सचिवालय बैठक स्थगित  

प्रधानमन्त्रीको सरकारी निवास   बालुवाटारमा बस्न लागेको बैठक स्थगित भएपछि नेताहरु निस्किएका छन् । बैठक नबसेपछि बालुवाटारबाट सबैभन्दा पहिले माधवकुमार नेपाल बाहिरिएका छ्न। त्यसपछि नारायणकाजी श्रेष्ठ र वामदेव गौतम पनि निस्किएका छन्।

काठमाडौं, भदाै ३ - मंगलबार बस्न लागेको सत्तारुढ नेपाल कम्युनिष्ट पार्टीको सचिवालय बैठक स्थगित भएको छ । प्रधानमन्त्रीको सरकारी निवास   बालुवाटारमा बस्न लागेको बैठक स्थगित भएपछि नेताहरु निस्किएका छन् । बैठक नबसेपछि बालुवाटारबाट सबैभन्दा पहिले माधवकुमार नेपाल बाहिरिएका छ्न। त्यसपछि नारायणकाजी श्रेष्ठ र वामदेव गौतम पनि निस्किएका छन्।

बालुवाटारबाट बाहिरिने क्रममा नेकपा प्रवक्ता नारायणकाजी श्रेष्ठले पार्टी अध्यक्ष तथा प्रधानमन्त्री केपी शर्मा ओलीले बैठकको तयारी नपुगेको सन्देश महासचिव विष्णु पौडेलमार्फत् पठाएपछि आफुहरु उठेको बताए।

बैठक स्थगित भएपछि दुई अध्यक्ष सर्वदलीय बैठकको तयारीमा जुटेका छन्। यो बैठकमा ज्येष्ठ नागरिक र विदेश विभागसहितका निकायका प्रमुख नियुक्तिबारे टुंगो गरिने तयारी थियो।  फरक मतको तयारीमा थिए माधव आजको बैठकमा वरिष्ठ नेता माधवकुमार नेपालले आफ्नो फरक मत राख्ने तयारीमा थिए।

नेता नेपालले पार्टीका निर्णय एकपक्षीयरुपमा जबरजस्ती गरिएको भन्दै फरक मत राख्न लागेका थिए। नेता नेपालले वरीयामा भन्दा संगठनमा भएका नियुक्तिलाई लिएर ‘नोट अफ डिसेन्ट’ लेख्ने तयारी गरेका थिए।

 

    


 

More form the Internet

loading...