Suvadin, Home

जनमत वाम गठबन्धनलाई छ, सरकारको नेतृत्व वाम गठबन्धनले गर्नुपर्छः नेता केसी

नेपाल प्रेस युनियन चितवन शाखाले शुक्रबार आयोजना गरेको पत्रकार सम्मेलनमा उनले वाम गठबन्धनको सरकार बन्न काँग्रेस बाधक नबन्ने बताएका छन्। उनले भने,'अहिलेको जन अभिमत वाम गठबन्धनलाई भएकाले वाम गठबन्धनकै सरकार बन्छ।' 

चितवन, २६ माघ – नेपाली कांग्रेसका नेता अर्जुननरसिंह केसीले जनमत वाम गठबन्धनलाई भएकाले उनीहरुकै नेतृत्वको सरकार बन्नु पर्ने बताएका छन्। 

नेपाल प्रेस युनियन चितवन शाखाले शुक्रबार आयोजना गरेको पत्रकार सम्मेलनमा उनले वाम गठबन्धनको सरकार बन्न काँग्रेस बाधक नबन्ने बताएका छन्। उनले भने,'अहिलेको जन अभिमत वाम गठबन्धनलाई भएकाले वाम गठबन्धनकै सरकार बन्छ।' 

अर्को एक प्रसंगमा उनले कांग्रेसको नेतृत्वमा प्रशस्त कमजोरी रहेको बताएका छन्। नेता केसीले नीतिगत रुपमा धेरै सुधार गर्नु पर्ने, नेतृत्वमा कमजोरी रहेको र संरचनामा अपारदर्शी भएकाले पार्टी कमजोर बनेको बताएका छन्। 

उनले भने, 'हाम्रा नीति निर्णयका कुरा पार्टीभित्र यति ठूलो विभाजन र गुटबन्दी छ, त्यो गुटभित्र पनि गुटले सञ्चालन नगरेर पार्टी एउटा गिरोहले सञ्चालन गरेको छ।'


 

More form the Internet

loading...