Suvadin, Home
Nepal life 1.818M

नेकपा माओवादी केन्द्र महाधिवेशन आयोजक समितिका निर्णय

ती निर्णयहरु सार्वजनिक गर्न बुधबार आयोजित पत्रकार सम्मेलनमा नेकपा माओवादी केन्द्रका अध्यक्ष गोपाल किरातीले महान जनयुद्वद्वारा स्थापित माओवादी कम्युनिष्ट आन्दोलनको विचार, भावना र इतिहासको एकीकृत निरन्तरता दिन बैठक बसी विभिन्न निर्णय गरिएको जानकारी दिएका छन्। 

काठमाडौं, ३० जेठ – पार्टी नेता पुष्पकमल दाहाल प्रचण्ड लगायतले नेकपा माओवादी केन्द्र  परित्याग गरी गएको भन्दै नेकपा माओवादी केन्द्र महाधिवेशन आयोजक समितिले आफ्ना उपलब्ध सदस्यको बैठक गरी विभिन्न निर्णय गरेको छ। 

ती निर्णयहरु सार्वजनिक गर्न बुधबार आयोजित पत्रकार सम्मेलनमा नेकपा माओवादी केन्द्रका अध्यक्ष गोपाल किरातीले महान जनयुद्वद्वारा स्थापित माओवादी कम्युनिष्ट आन्दोलनको विचार, भावना र इतिहासको एकीकृत निरन्तरता दिन बैठक बसी विभिन्न निर्णय गरिएको जानकारी दिएका छन्। 

बैठकले राष्ट्रियता, जनवाद र जनजीविकाबारे ११ बुँदे तथा राजनीतिक तथा संगठनका विषयमा अध्यक्ष गोपाल किरातीले प्रस्तुत गरेको पाँचबुँदे निर्णय पारित गर्दै महाधिवेशन आयोजक समितिको केन्द्रमा बहुपदीय प्रणालीलाई निरन्तरता दिने घोषणा गरेको छ। 

आयोजक समितिको अध्यक्षमा गोपाल किरातीलाई चयन गरिएको छ। उपाध्यक्षमा भविश्वर पराजुली र तिलक थापामगर, महासचिवमा कर्णजित बुढाथोकी र सचिवमा राजन तिम्सिना रहेको सो पार्टीले बुधबार प्रकाशित गरेको प्रेस विज्ञप्तिमा उल्लेख छ। 

महाधिवेशन आयोजक समितिमा ७ सय १ जना, पोलिटब्यूरोमा १ सय ७५ जना तथा ४३ जनाको केन्द्रीय सचिवालयको गठन गरिएको छ। 

साथै, पार्टीले माक्सवाद–लेनिनवाद–माओवादको रक्षा, प्रयोग तथा विकासमा जोड दिने, वर्ग संघर्ष र बल प्रयोगको सिद्धान्तमा आधारित सशस्त्र विद्रोह र गणतन्त्र रक्षार्थ विद्यमान संवैधानिक व्यवस्थाको निर्वाचन उपयोगबीच समायोजनको फौजी कार्यदिशा अवलम्बन गर्ने विज्ञप्तिमा उल्लेख छ।


 

More form the Internet

loading...