Suvadin, Home

Cover Image

डोनाल्‍ड ट्रम्‍पले ब्रिटिश राजदूतलाई भने 'एकदमै मूर्ख व्यक्ति', प्रधानमन्त्री मेको आलोचना

काठमाडौं । ट्रम्प प्रशासन प्रभावकारी नभएको भन्‍ने इमेल चुहावट प्रकरणपछि अमेरिकी राष्ट्रपति डोनाल्‍ड ट्रम्‍पले ब्रिटिश राजदूत सर किम डार्कलाई ट्रम्पले "एकदमै मूर्ख व्यक्ति" को संज्ञा दिएका थिए । ब्रिटिश विदेशमन्त्री जेरेमी हन्टले अमेरिकी राष्ट्रपति डोनल्ड ट्रम्पले ब्रिटेन र प्रधानमन्त्री मेप्रति "अनादर" देखाएको बताएका छन्।

इमेल चुहावट प्रकरणलाई लिएर वाशिङटनका लागि ब्रिटिश राजदूत डार्कलाई ट्रम्पले "एकदमै मूर्ख व्यक्ति" भनेपछि हन्टको प्रतिक्रिया आएको हो।  ट्रम्प प्रशासन प्रभावकारी नरहेको भनी टिप्पणीसहितका इमेलहरू चुहिएपछि ट्रम्पले शृङ्खलाबद्ध ट्वीटमार्फत् ब्रिटिश राजदूतको आलोचना गरेका थिए । उनले युरोपेली सङ्घबाट ब्रिटेन औपचारिक रूपमा बाहिरिने ब्रेक्जिट प्रक्रिया सम्हाल्ने प्रधानमन्त्री मेको तौरतरिकाको पनि आलोचना गरेका थिए।

आफ्ना सुझावलाई मेले बेवास्ता गरेको र "मुर्ख्याइँको बाटो" अवलम्बन गरेको ट्रम्पको टिप्पणी थियो। ट्रम्पका पछिल्ला ट्वीटप्रति प्रतिक्रिया जनाउँदै ब्रिटिश विदेशमन्त्री हन्टले भनेका छन्, "हाम्रा साथी स्पष्ट रूपमा बोल्छन् अतः म पनि त्यसै गर्छुः ती टिप्पणीहरू हाम्रा प्रधानमन्त्री र मेरो देशप्रति अनादरपूर्ण छन्।"

आफू प्रधानमन्त्रीमा निर्वाचित भए क्रिसमसका बेला अवकाश नपाएसम्म सर किमलाई राजदूतमा निरन्तरता दिने पनि को भनाइ छ । यसअघि ब्रिटिश प्रधानमन्त्रीको कार्यालयले सर किमप्रति "पूर्ण समर्थन" रहेको जनाएको थियो।

प्रधानमन्त्री मेका एकजना प्रवक्ताले सर किम एक "कर्तव्यपरायण र सम्मानित सरकारी अधिकारी" भएको बताएका थिए।


 

More form the Internet

loading...