Suvadin, Home

निर्वाचनका लागि दबाब अावश्यकः खनाल

पूर्वप्रधानमन्त्री खनालले सरकारले केही मुठ्ठीभरका व्यक्तिलाई खुसी पार्न स्थानीय तहको निर्वाचन घोषणा गरेकाले तोकिएकै मितिमा हुनेमा आशङ्का व्यक्त गर्दै मुलुक निर्वाचनतर्फ अघि बढिसकेकाले जनदबाब सृजना गरेर भए पनि एमालेले स्थानीय तहको निर्वाचन गराएरै छाड्ने बताएका छन्। 
नेकपा एमालेका वरिष्ठ नेता झलनाथ खनाल ।

इलाम, चैत ९ – नेकपा एमालेका वरिष्ठ नेता झलनाथ खनालले पार्टीको मेची–महाकाली अभियानले स्थानीय तहको निर्वाचनमा एमाले देशकै पहिलो पार्टी बन्ने विश्वास व्यक्त गरेक छन्।

इलामको इरौंटारमा एमाले गाउँ कमिटीले आयोजना गरेको ‘कम्युनिस्ट आन्दोलनमा योगदान पुर्याउने योद्धा तथा वृद्धवृद्धालाई सम्मान’ कार्यक्रममा उनले देशको आर्थिक विकास र लोकतन्त्रको खम्बा एमाले भएकाे बताएका छन्। उनले भने, 'अगामी निर्वाचनपछि मुलुकले आर्थिक क्षेत्रमा ठूलो फड्को मार्ने छ।'

पूर्वप्रधानमन्त्री खनालले सरकारले केही मुठ्ठीभरका व्यक्तिलाई खुसी पार्न स्थानीय तहको निर्वाचन घोषणा गरेकाले तोकिएकै मितिमा हुनेमा आशङ्का व्यक्त गर्दै मुलुक निर्वाचनतर्फ अघि बढिसकेकाले जनदबाब सृजना गरेर भए पनि एमालेले स्थानीय तहको निर्वाचन गराएरै छाड्ने बताएका छन्। 

स्थानीय, प्रदेश र सङ्घीय तीनै तहको निर्वाचन सम्पन्न भएमा मात्र संविधान पूर्ण कार्यान्वयन हुने बताउँदै उनले नेपालको संविधान विश्वकै उत्कृष्ट भए पनि केही व्यक्ति र समूहले यसलाई कार्यान्वयनमा आउन नदिन खोजेको आरोप लगाएका छन्।

वरिष्ठ नेता खनालले संसद्मा पेस भएको संविधान संशोधन विधेयक एमालेले कुनै पनि हालतमा पास हुन नदिने बताएका छन्।


 

More form the Internet

loading...