निर्वाचन अपडेट
काठमाडौं–१० मा कांग्रेसका राजन केसीकाे अग्रताकायमै, २, ७ र ९ मा वाम गठबन्धन
काठमाडौं, मंसिर २२ – काठमाडौं क्षेत्र नम्बर १० मा कांग्रेसका राजन केसी ५ सयका साथ अग्रस्थानमा छन्। वाम गठबन्धनका हितमान शाक्यले ३ सय मत प्राप्त गरेका छन्।
त्यस्तै क्षेत्र नम्बर ७ मा एमालेका रामवीर मानन्धरले अग्रता लिएका छन् भने राप्रपाका बिक्रमबहादुर थापाले ६७१ मत ल्याएका छन्।
काठमाडौं क्षेत्र नम्बर २ मा एमालेका माधवकुमार नेपालले १०३४ मत ल्याएका छन् भने कांग्रेसका दीपककुमार कुइँकेलले ४६७ मत ल्याएका छन्। विवेकशील साझाका सूर्यराज आचार्यले ४२३ मत प्राप्त गरेका छन्।
काठमाडौं क्षेत्र नम्बर ९ मा एमालेका कृष्णगोपाल श्रेष्ठले १७६५ मत प्राप्त गरेका छन्। कांग्रेसका ध्यानगोबिन्द रञ्जितले ९३८ मत प्राप्त गरेका छन्। विवेकशील साझाका मिलन पाण्डेले यो क्षेत्रमा ४४५ मत प्राप्त गरेका छन्।