विराटनगर महानगरमा कांग्रेसको मतअन्तर फराकिलो
काठमाडाैं, असार २३–नेपाली कांग्रेस विराटनगर महानगरपालिकामा एमालेसँगको मतअन्तर फराकिलो बनाउदै लगेको छ।
पछिल्लो परिणामअनुसार महानगरमा कांग्रेसका भीम पराजुलीले १३ हजार २ सय ९१ मत प्राप्त गरेका छन्। उनलाई एमालेका विनोद ढकाल १० हजार ३७ मतका साथ पछ्याइरहेका छन्।
संघीय समाजवादी फोरमका उमेश यादव १० हजार ४ मत प्राप्त गरेका छन्।
उपमेयरमा पनि कांग्रेसकै इन्दिरा कार्की ११ हजार ४ सय ९७ मतका साथ अग्रता कायम लिइरहेकी छन्। उनलाई माओवादी केन्द्रकी नमीता न्यौपाने पोख्रेलले ६ हजार ८ सय १२ मतका साथ पछ्याइरहेकी छन्।
एमालेसँग गठबन्धन गरेको फोरम लोकतान्त्रिकका उम्मेद्वार सूची चौधरीले ६ हजार ४ सय ३० मत प्राप्त गरेकी छन्। मतगणना अत्यन्तै सुस्त गतिमा भइरहेको छ। ८० हजार बढी मत खसेकोमा मतदान सम्पन्न भएको ९ दिन बितिसक्दा ५३ हजार मतगणना सम्पन्न भएको छ।