Suvadin, Home
Nepal life 3.22M

कांग्रेसद्वारा मन्त्री अधिकारीको राजीनामा माग

राष्ट्रियसभाको बैठकको विशेष समय लिएर बोल्दै उनले संघीय संसदको सार्वजनिक लेखा समिति अन्तरगतको उपसमितिले समितिमा बुझाएको प्रतिवेदनमा दोषी देखिएका मन्त्री अधिकारीले सो विमान खरिदमा भएको अनियमिततासम्बन्धि छानविन कार्यलाई सहज बनाउन पनि तत्काल पदबाट राजीनामा दिनुपर्ने तर्क समेत गरिन्। 
फाइल फाेटाे

काठमाडौं, २० पुस – नेपाली कांग्रेसले संस्कृति, पर्यटन तथा नागरिक उडड्यनमन्त्री रविन्द्र अधिकारीको राजीनामा माग गरेको छ। 

नेपाली कांग्रेस राष्ट्रियसभाकी सांसद विन्दादेवी आलेले वाईडबडी विमान खरिद काण्डमा मुछिएका मन्त्री अधिकारीलाई तत्काल राजीनामा दिन माग गरेकी हुन्। 

शुक्रबार राष्ट्रियसभाको बैठकको विशेष समय लिएर बोल्दै उनले संघीय संसदको सार्वजनिक लेखा समिति अन्तरगतको उपसमितिले समितिमा बुझाएको प्रतिवेदनमा दोषी देखिएका मन्त्री अधिकारीले सो विमान खरिदमा भएको अनियमिततासम्बन्धि छानविन कार्यलाई सहज बनाउन पनि तत्काल पदबाट राजीनामा दिनुपर्ने तर्क समेत गरिन्। 

उनले ४ अर्ब ३५ करोड बढी भ्रष्टाचार भएको सो वाईडबडी विमान खरिद प्रकरणका दोषीलाई कार्वाही गर्नुको साटो छानविन समिति गठन गरेको भन्दै सरकारको चर्को आलोचना गरिन्।

सांसद आलेले वाईडबडी विमान खरिदमा संसदीय उपसमितिले दोषी ठहर्याएकाहरुलाई तत्काल कार्वाही गर्न पनि सरकारको गम्भिर ध्यानाकर्षण गराइन्। 
 


 

More form the Internet

loading...