निर्वाचन अपडेटः
महतकाे २३ वर्षकाे वर्चस्व ताेड्दै हितबहादुर विजयी
नुवाकाेट, मंसिर २४ – नुवाकोटको प्रतिनिधिसभा क्षेत्र नम्बर–१ मा रामशरण महतलाई हराउँदै वाम गठबन्धनका उम्मेदवार माओवादी केन्द्रका नेता हितबहादुर तामाङ विजयी भएका छन्।
तामाङले नेपाली कांग्रेसका नेता रामशरण महतलाई ८ हजार ५ सय ५३ मतले हराउँदै विजयी भएका हुन्।
निर्वाचन आयोगका अन्तिम मत परिणाम अनुसार हितबहादुर तामाङले ३६,४७३ मत ल्याए भने रामशरण महतले २७ हजार ९ सय २० मत ल्याए। महतले २०५१ सालपछि पहिलो पटक नुवाकोटमा चुनावी मैदानमा पराजय व्यहाेरेका हुन्।