Suvadin, Home

अब नम्बर पत्ता लगाउन १९७ मा फोन गरिरहनु नपर्ने

अब नेपाल टेलिकमले १९७ मा फोन नगरेरै आफूलाई आवश्यक पर्ने टेलिफोन नम्बर वेबसाइटबाटै हेरेर थाहा पाउन सक्ने व्यवस्था गरेको छ ।

काठमाडौं । अब नेपाल टेलिकमले १९७ मा फोन नगरेरै आफूलाई आवश्यक पर्ने टेलिफोन नम्बर वेबसाइटबाटै हेरेर थाहा पाउन सक्ने व्यवस्था गरेको छ ।

योसँगै वेबसाइटबाटै आवश्यकताबमोजिम कुनै पनि व्यक्ति तथा संस्थाको स्थानीय टेलिफोन नम्बर थाहा पाउन सकिने भएको टेलिकमले जनाएको छ । 

नेपाल टेलिकमको वेब पेजमार्फत् यस प्रकारको पीएसटीएन टेलिफोन सोधपुछ प्रणाली सञ्चालनमा ल्याइएको हो । यसका लागि कम्पनीको वेबसाइटमा लगइन गर्नुपर्छ । त्यसपछि त्यहाँ दिइएको टेलिकम इन्क्वेरीमा आफूलाई चाहिएको व्यक्ति वा संस्थाको नम्बर खोज्‍न सकिन्छ ।

व्यक्तिगत ग्राहकको हकमा व्यक्तिको नामका साथै ठेगाना र जिल्ला लेखेर नम्बर पत्ता लगाउन सकिन्छ । त्यसैगरी संस्थागत ग्राहकको हकमा कम्पनीको नाम, ठेगाना र जिल्ला अनुसार टेलिफोन नम्बर प्राप्त गर्न सकिन्छ ।

विगतमा पनि पीएसटीएन टेलिफोन नम्बर खोज्‍नका लागि कम्पनीको मुख्य वेब पेजमार्फत वेबमा आधारित इन्क्वेरी प्रणाली सञ्चालनमा रहेको थियो । हाल सोही सेवालाई पुनः परिमार्जित रूपमा सञ्चालनमा ल्याइएको हो ।


 

More form the Internet

loading...