Suvadin, Home

Cover Image

सन्दीपलाई अमेरिकाले दियाे भिसा

पछिल्लोपटक सामान्य प्रक्रियापछि भिसा दिइएको नेपाली टिमका व्यवस्थापक रमन शिवाकोटीले बताए ।  क्यारेबियन प्रिमियर लिग खेल्न अमेरिका हुँदै जान मंगलबार बिहान सन्दीप काठमाडौंस्थित अमेरिकी दूतावास गएपनि दूतावासले भिसा दिन अस्वीकार गरेको थियो ।

काठमाडाै‌, साउन २८ - नेपाली क्रिकेट खेलाडी सन्दीप लामिछानेलाई अमेरिकाले भिसा दिएको छ । मंगलबार बिहान भिसा दिन अस्वीकार गरेको काठमाडौंस्थित अमेरिकी दूतावासले तीन घन्टापछि भिसा दिएको हो । दूतावासले भिसा दिन अस्वीकार गरेको खबर सन्दीपले ट्वीट गरेको केही समयमै दूतावासका अधिकारीहरुले फेरि उनलाई भिसा प्रक्रियाका लागि बोलाएका थिए ।

पछिल्लोपटक सामान्य प्रक्रियापछि भिसा दिइएको नेपाली टिमका व्यवस्थापक रमन शिवाकोटीले बताए । क्यारेबियन प्रिमियर लिग खेल्न अमेरिका हुँदै जान मंगलबार बिहान सन्दीप काठमाडौंस्थित अमेरिकी दूतावास गएपनि दूतावासले भिसा दिन अस्वीकार गरेको थियो ।

चाहिने सबै कागजपत्र हुँदाहुँदै पनि भिसा नदिएकोमा अचम्म लागेको भन्दै सन्दीपले ट्वीट गरेका थिए । वेस्ट इन्डिजमा हुने क्यारेबियन प्रिमियर लिग ९सीपीएल० क्रिकेटको यस संस्करणका केही खेलहरु अमेरिकामासमेत हुने तालिका छ । सन्दीपले यो सिजन बार्बाडोस ट्राइडेन्टबाट सीपीएल क्रिकेट खेल्दैछन् । सीपीएल क्रिकेट आउँदो भदौ १८ देखि असोज २५ गतेसम्म हुँदैछ ।


 

More form the Internet

loading...