Suvadin, Home

चर्चित फुटबल हस्ती पेले अस्पतालबाट डिस्चार्ज

काठमाडौं,चैत्र २६ - ब्राजिलियन फुटबल हस्ती पेले अस्पतालबाट डिस्चार्ज भएका छन् । पिसाबसम्बन्धी समस्याको उपचारका लागि उनी गत बुधवार फ्रान्सको पेरिसस्थित एक अस्पतालमा भर्ना भएका थिए ।

७८ वर्षिय पेलेको पिसाबमा संक्रमण भएपछि लगातार दोस्रो पटक अस्पताल भर्ना भएका हुन् । पेले अस्पतालबाट डिस्चार्ज भएर ब्राजिल फर्किएको अन्तर्राष्ट्रिय समाचार संस्था रोयटर्सले जनाएको छ ।

पेलेले आफु केही दिनमै पूर्णरुपले स्वस्थ भएर स्वभाविक दैनिकीमा फर्किने एक विज्ञप्तिमार्फत जनाएका छन् । उनी फ्रेन्च फुटबल क्लब पेरिस सेन्ट जर्मेन (पीएसजी) का युवा स्टार किलियन एम्बाप्पेको एक कार्यक्रममा सहभागी हुन फ्रान्स पुगेका थिए ।

पेले तिन पटक विश्वकप फुटबल जित्ने संभवतः एक्लो खेलाडी हुन् । उनले ब्राजिललाई सन् १९५८, १९६२ र १९७० मा विश्वकप फुटबलको उपाधि दिलाएका थिए । ‘कालो हिरा’ उपनामले प्रसिद्ध पेले विश्वभरका युवा फुटबल खेलाडीका रोल मोडल हुन् । 

 

 


 

More form the Internet

loading...