Suvadin, Home
Nepal life 3.22M

ए डिभिजन लिग : मनाङले आठौं पटक जित्यो उपाधि

गत असोज १३ गतेदेखि सुरु भएको प्रतियोगिताको विजेता टोली मनाङले ५० लाख प्राप्त गरेको छ भने एएफसी एसियन कपमा समेत सहभागिता जनाउन पाउने भएको छ। यस्तै दोस्रो भएको संकटाले ३५ लाख तेस्रो भएको थ्रि स्टारले २५ लाख पाएको छ।
फाइल फाेटाे

काठमाडौं, २४ पुस – शहिद स्मारक ए डिभिजन लिग अन्तर्गत यो सिजनको लिगको उपाधि आठौं पल्ट मनाङ मर्स्याङ्दी क्लबले जितेको छ। मनाङले लिग अन्तर्गतका आफ्ना २ खेल खेल्न बाँकी छँदै उपाधि सुरक्षित गरिसकेको थियो।

अपराजित रहँदै लिगको उपाधि हात पार्ने मनाङको सपना भने पुरा हुन सकेन। मंगलबार भएको अन्तिम खेलमा मनाङ फ्रेन्डस् क्लबसँग १–० ले पराजित हुन पुग्यो।

यसअघि १२ खेलमा सत प्रतिशत जित निकाल्दै करिब ४ वर्षपछि भएको लिगमा उत्कृष्ट प्रदर्शन गरेको मनाङले यो सहित किर्तिमानी आठौं पल्ट ए डिभिजन लिगको उपाधि जितेको छ।

गत असोज १३ गतेदेखि सुरु भएको प्रतियोगिताको विजेता टोली मनाङले ५० लाख प्राप्त गरेको छ भने एएफसी एसियन कपमा समेत सहभागिता जनाउन पाउने भएको छ। यस्तै दोस्रो भएको संकटाले ३५ लाख तेस्रो भएको थ्रि स्टारले २५ लाख पाएको छ।

यस्तै प्रतियोगिताको उत्कृष्ट फरवार्ड आर्मीका भरत खवास, उत्कृष्ट मिडफिल्डर मनाङका हेमन गुरुङ, उत्कृष्ट डिफेन्डर थ्री स्टारका रञ्जित धिमाल, उत्कृष्ट गोलरक्षक मनाङका विशाल श्रेष्ठ भए भने उत्कृष्ट प्रशिक्षक मनाङकै सुमन श्रेष्ठ भए।

उत्कृष्ट खेलाडीहरुले एक थान मोटरसाइकल र नगद ५० हजार प्राप्त गरे। फेयर प्लेको उपाधि भने  ब्रिगेड ब्वाइज क्लबले प्राप्त गर्यो। यस्तै 'मणि बिक्रम शाह युवा खेलाडी अवार्ड' आर्मीका विकास खवासले प्राप्त गरे। 

मनाङले २०४३, २०४४ र २०४६ गरी लगातार तीन पटक उपाधि जितेको थियो। यस्तै मनाङले २०५७, २०६०, २०६२, २०७० र २०७५ मा लिगको उपाधि जित्दै मनाङले सर्वाधिक लिग जित्ने टोली भएको छ।


 

More form the Internet

loading...