Suvadin, Home

खेलकुदमा दुई अर्ब २४ करोड बजेट
अन्तर्राष्ट्रियस्तरको क्रिकेट मैदान निर्माण कार्य प्राथमिकतामा

उपप्रधान एवम् अर्थमन्त्री कृष्णबहादुर महराले आज व्यवस्थापिका–संसद्मा आर्थिक वर्ष २०७४÷७५ का लागि गरिएको बजेट भाषणमा काठमाडौँको मूलपानीमा रहेको अन्तर्राष्ट्रियस्तरको क्रिकेट मैदानको निर्माण कार्यलाई प्राथमिकताका साथ अघि बढाउने उल्लेख गरिएको छ। देशका विभिन्न आठ स्थानमा निर्माणाधीन क्रिकेट मैदानलाई निरन्तरता दिइने उल्लेख गर्दै अर्थमन्त्री महराले भने – “लोकप्रिय खेल फुटबल र क्रिकेटलाई पहिलो चरणमा व्यावसायिक प्रतिष्ठानबाट प्रायोजन गरी राष्ट्रिय तथा अन्तर्राष्ट्रिय प्रतियोगितामा सहभागिता हुन प्रेरित गरिनेछ।” 
बजेट सुनाउँदै अर्थमन्त्री कृष्णबहादुर महरा।

काठमाडौँ, १५ जेठ - सरकारले आव २०७४/७५ मा युवा तथा खेलकुद क्षेत्रको विकासका लागि रु दुई अर्ब २४ करोड बजेट विनियोजन गरेको छ । 

उपप्रधान एवम् अर्थमन्त्री कृष्णबहादुर महराले आज व्यवस्थापिका–संसद्मा आर्थिक वर्ष २०७४÷७५ का लागि गरिएको बजेट भाषणमा काठमाडौँको मूलपानीमा रहेको अन्तर्राष्ट्रियस्तरको क्रिकेट मैदानको निर्माण कार्यलाई प्राथमिकताका साथ अघि बढाउने उल्लेख गरिएको छ । 

देशका विभिन्न आठ स्थानमा निर्माणाधीन क्रिकेट मैदानलाई निरन्तरता दिइने उल्लेख गर्दै अर्थमन्त्री महराले भने – “लोकप्रिय खेल फुटबल र क्रिकेटलाई पहिलो चरणमा व्यावसायिक प्रतिष्ठानबाट प्रायोजन गरी राष्ट्रिय तथा अन्तर्राष्ट्रिय प्रतियोगितामा सहभागिता हुन प्रेरित गरिनेछ।” 

राष्ट्रिय खेलकुद परिषद् (राखेप)अन्तर्गत खेलको पूर्वाधार निर्माण र युवा परिषद्अन्तर्गतका केही कार्यक्रम स्थानीय तहमा पठाइएको छ, उनले भने– ‘खेलकुद विकास कार्यक्रमअन्तर्गत स्थानीय तहमा सञ्चालन हुने खेलकुद प्रतियोगिता स्थानीय तहमा नै हस्तान्तरण गरिएको छ ।’ 

अर्थमन्त्री महराले युवालाई उद्यमशील बनाउन स्थानीय तहमा उत्पादन रोजगारी, आयआर्जनका अवसर सिर्जना गरी सबै निर्वाचन क्षेत्रमा यसलाई नमुनाका रुपमा सञ्चालन गरिने व्यवस्था गरिएको बताउँदै विभिन्न खोज अनुसन्धान तथा अवीस्कार गरेर समाजमा उत्कृष्ट योगदान पु¥याउने युवा प्रतिभालाई सम्मान गरिने कार्यलाई निरन्तरता दिइने जानकारी गराए। 

युथ भिजन २०२५ मा युवा विकासका लागि उल्लेख भएका पाँच स्तम्भ गुणस्तरीय र व्यावसायिक शिक्षा, रोजगारी, सीप विकास, युवा स्वास्थ्य र सामाजिक सुरक्षा परिचालन तथा सहभागिता नेतृत्व विकासका साथै खेलकुद र मनोरञ्जन क्षेत्रसँग सम्बन्धित कार्यक्रम कार्यान्वयनमा ल्याइनेछ उनले भने। 

युवालाई सामाजिक सेवा र आर्थिक क्रियाकलापमा लगाउन स्वयम्सेवक सेवामा परिचालन गर्ने कार्यलाई निरन्तरता दिई सेवा क्षेत्रलाई थप विस्तार गरिने अर्थमन्त्री महराले प्रस्तुत गरिएको बजेट वक्तव्यमा उल्लेख छ । रासस 


 

More form the Internet

loading...