यू–१९ विश्वकप छनोटमा नेपालको लगातार दोस्रो जित
काठमाडाैं, साउन ३–आइसीसी १९ वर्षमुनिको विश्वकप छनोट क्रिकेट प्रतियोगितामा नेपालले लगातार दोस्रो जित हासिल गरेको छ। मंगलबार भएको खेलमा नेपालले मलेसियालाई ५ विकेटले पराजित गरेको छ।
मलेसियाले दिएको ५९ रनको लक्ष्य नेपालले ९.५ ओभरमा ५ विकेट गुमाउँदै भेटायो। यसअघि पहिलो ब्याटिङ गरेको मलेसियाले २५.५ ओभरमा सबै विकेट गुमाउँदै मात्र ५८ रन बनान सकेको थियो।
नेपालका लागि आसिफ शेखले सर्वाधिक २३ रन बनाए । त्यस्तै प्रनित थापामगरले १९ रनको योगदान गरे। मलेसियालाई सस्तैमा समेट्न सन्दिप लामिछाने एक्लैले ५ विकट हात पारे। पवन शर्राफले ३, किशोर महतो र सन्दिप सुनारले समान १–१ विकेट लिए।
पहिलो खेलमा नेपालले सिंगापुरलाई ४ विकेटले हराएको थियो। नेपालको अर्को खेल ५ साउनमा अफगानिस्तानसँग खेल्नेछ ।