साफ च्याम्पियनशीप फुटबलमा नेपाल समूह ‘ए’मा
काठमाडौं, ५ वैशाख – बंगलादेशमा आयोजना हुने साफ च्याम्पियनशीप फुटबल प्रतियोगितामा नेपाल समूह ‘ए’ मा परेको छ।
बंगलादेशको ढाकामा आज सार्वजनिक गरेको ‘ड्र’मा नेपाल समूह ए मा परेको हो। नेपालको समूहमा आयोजक बंगलादेशसहित, पाकिस्तान र भुटान रहेका छन्।
आगामी सेप्टेम्बर ४ देखि १५ तारिखसम्म सञ्चालन हुने उक्त प्रतियोगिताको समूह ‘बी’ मा भारत, माल्दिभ्स र श्रीलंका रहेका छन्।
साफ च्याम्पियनशीपमा नेपाल अहिलेसम्म फाइनल चरणमा पुग्न सकेको छैन। पछिल्लो संस्करणमा नेपाल समूह चरणबाटै बाहिरिएको थियो।
सन् २०१३ मा भारतमा भएको साफ च्याम्पियनशीपमा नेपाल सेमिफाइनलसम्म पुगेको थियो।