च्याम्पियन्स ट्रफीः भारतलार्इ १८० रनले हराउँदै पाकिस्तान च्याम्पियन
काठमाडौं, असार ४ - आइसिसी च्याम्पियन्स ट्रफी २०१७ काे उपाधी पाकिस्तानले उचालेकाे छ। भर्खरै सम्पन्न फाइनलमा भारतलार्इ १८० रनले पराजित गर्दै पाकिस्तान उपाधी उचालेकाे हाे।
टस हारेर ब्याटिङको निम्तो पाएको पाकिस्तानले ५० ओभरमा ४ विकेट गुमाउँदै ३३८ रन बनाएको थियाे। उसका फखर जमानले सर्वाधिक १ सय १४ रन, अजहर अलीले ५९ रन, बाबर आजमले ४६ सोहेव मलिकले १२, इमाद वासिम २४ र मोहमद हाफिजले ५७ रन बनाए। भारतका लागि केदार जाधव, भुवनेश्वर कुमार र हार्दिक पाण्ड्याले समान एक/एक विकेट लिए ।
जवाफी ब्याटिङमा भारतले ३०.३ अाेभरमा सवै विकेट गुमाएर १ सय ५९ रन मात्र बनाउन सक्याे। भारतका हार्दिक पाड्याले सर्बाधिक ७६ रन बनाए। ४३ बलकाे सामना गरेका उनले ६ चाैका र ४ चाैका प्रहार गरेका थिए। त्यस्तै, युवराज सिंहले २२ तथा शिखर धवनले २१ रन बनाए। कप्तान बिराट काेहली ५ तथा महेन्द्र सिंह धाेनी ४ रनमा अाउट भए।
यता, बलिङमा पाकिस्तानका अहम्मद अामिर र हसन अलिले समान ३ तथा सदाव खानले २ विकेट लिए।