राष्ट्रपतिबाट सागको भव्य उद्घाटन
काठमाडौं । १३औँ दक्षिण एशियाली खेलकुद सागको राष्ट्रपति विद्यादेवी भण्डारीले औपचारिक उद्घाटन गरेकी छन् ।
उद्घाटन समारोहमा सबै देशका खेलाडी तथा कर्मचारीले आ–आफ्नो देशको झण्डासहित मार्चपास गरेका थिए ।
उद्घाटनको मार्च पासमा नेपालको राष्ट्रिय झण्डा भारोत्तोलनका कमलबहादुर अधिकारीले बोकेका थिए ।
कार्यक्रममा स्वागत मन्तव्य दक्षिण एसियाली ओलम्पिक काउन्सिलका अध्यक्ष जीवनराम श्रेष्ठले गरेका थिए ।
यस्तै साग मूल आयोजक समितिका अध्यक्ष समेत रहेका युवा तथा खेलकुद मन्त्री जगत बहादुर विश्वकर्माले साग जस्तो विशिष्ट खेलकुद प्रतियोगिता आयोजन गर्न पाउनु नेपालको लागि गर्वको क्षण भएको बताए ।
यस्तै राष्ट्रिय खेलकुद परिषद्का सदस्यसचिव रमेश सिलवालले चुनौतीका बावजुद भूकम्पले ध्वस्त बनाएका संरचना मर्मत गरेर साग आयोजना गर्न सकिएकोमा खुसी व्यक्त गरे ।